Skipulag náms, kennslu og námsmats í hæfnimiðuðu skólastarfi

Tengill á upphafssíðu námskeiðs

Í þessu námskeiði er farið yfir stuðningsefni um skipulag náms, kennslu og námsmats sem birt er á vefnum adalnamskra.is. Námskeiðinu er ætlað að styðja við starfsþróun kennara og skólastjórnenda og ígrundun þeirra um skipulag og framkvæmd gæðakennslu. Fjallað er um hugmyndafræðina um hæfnimiðað skólastarf og lykilhugtök eru útskýrð. Leiðbeiningar eru gefnar um þá umgjörð um störf kennara sem skólar þurfa að setja í skólanámskrá og að lokum er skipulagi náms, kennslu og námsmats í þremur skrefum lýst á ítarlegan hátt og með tilvísunum í dæmi og hagnýt fylgiskjöl sem nálgast má á vef aðalnámskrár.

Námskeiðið er í þremur hlutum sem skiptast í 15 kennslustundir. Í hverri kennslustund er stutt myndband sem dregur fram aðalatriði úr stuðningsefninu og vísað er til samsvarandi texta á vef aðalnámskrár. Í kjölfarið eru birtar stuttar spurningar úr efninu, ígrundunarspurningar og tillögur að starfsþróunarverkefnum.

Efnisyfirlit námskeiðsins:

Fyrsti hluti – Námskráráherslur – Stefnumótun stjórnvalda

1. Aðalnámskrá grunnskóla
2. Hæfnimiðað skólastarf
3. Lykilhugtök í aðalnámskrá

Annar hluti – Umgjörð og stefna skóla um nám, kennslu og námsmat – Skólanámskrá

4. Skólaár og námstímabil
5. Forgangsröðun hæfniviðmiða
6. Skráningar og upplýsingamiðlun
7. Hringrás mats og kennslu
8. Tilgangur og framkvæmd námsmats
9. Matsviðmið, matskvarðar og matstákn

Þriðji hluti – Skipulag náms, kennslu og námsmats

10. Skipulag náms, kennslu og námsmats í þremur skrefum
11. Hæfniviðmið valin og námsmarkmið sett
12. Skipulagning námsmats
13. Leiðsagnarmat
14. Lokamat
15. Vitnisburður

Tengill á upphafssíðu námskeiðs