Skólar og kennarar nota margvísleg skjöl til að halda utan um skipulag starfs og birta upplýsingar til nemenda og foreldra. Þessi skjöl eru ýmist stafræn eða handskrifuð, stundum sett upp innan námsumsjónarkerfa, stundum í ritvinnsluskrám eða töflureiknum samkvæmt skapalónum sem þróuð hafa verið í skólanum.

Hér á síðunni má sækja skapalón sem styðja við þrjú skref í skipulagi náms, kennslu og námsmats. Skjölin eru opin og kennarar geta aðlagað þau að vild.

Forgangsröðun hæfniviðmiða – Áherslur skóla þvert á greinasvið og skólaár. Excel skjal, með forskráðum hæfniviðmiðum og matsviðmiðum Aðalnámskrár grunnskóla, sem skóli getur notað til að hafa yfirsýn um hvernig áherslur skiptast milli árganga.

Markmiðssetning – Skipulag kennara. Excel skjal sem kennari getur nýtt til að hafa yfirlit um tengsl hæfniviðmiða, námsmarkmiða og matsviðmiða í einstaklingsmiðun náms.

Námsáætlun – Yfirlit um skipulag náms, kennslu og námsmats í einni námslotu. Word skjal sem samsvarar þremur skrefum í skipulagningu náms, kennslu og námsmats. Skjalið hentar vel til notkunar í starfsþróun á meðan kennari er að átta sig á í hverju skrefin þrjú felast.

Kennslustundaskipulag. Word skjal með dæmi um skipulagsramma kennara fyrir eina kennslustund.

Einstaklingsnámskrá – Væntanlegt.